Torneo di 5 vs 5 di Kampionato di Dama lo yega na su final
Despues ku Kampionato di Dama a ranka sali dia 12 di febrüari último ku un torneo di 5 vs 5, djadumingu aki 12 di mart e torneo aki lo yega na su gran final, 5’or di atardi na tereno di FFK. E 2 ekiponan ku lo batayá pa e titulo máksimo ta Hubentut Fortuna i Subt 2, miéntras Willemstad 1 ku Subt 3 lo kompetí pa e terser i di 4 puesto.
E ekiponan ku a partisipá na e torneo ta Hubentut Fortuna ku 2 tim, Willemstad ku 2 tim, Vesta ku 2 tim i SUBT a partisipá ku 3 tim ku total ta forma 9 tim. Tabata repartí e tereno den 4 vèlt chikí i e partidonan a tuma lugá mesun pareu. Kada dia ta tin 3 sèt di partido ku ta tin un durashon di un ora.
E meta di e torneo di ‘warm up’ aki ta pa stimulá e desaroyo di futbòl di dama. Den luna di aprel lo tin e Kampionato pa Dama di 7 vs7 i den ougùstùs lo tin e kampionato di 11 vs 11. Tur e diferente torneonan aki ta forma parti di e preparashon pa e diferente selekshonnan ku lo bai representá nos den eskterior durante e aña aki. Nos selekshon di dama senior lo biaha den luna di mei, e U-20 lo representá nos na luna di yüli, esun di U-17 lo a den luna di ougùstùs miéntras e U-13 lo biaha den luna di òktober 2017. Pues e aña aki nos dama nan lo bai represntá nos den diferente kategoria i den diferente kampionato internashonal.
Tabla di posishon:
Pos Club P W D L F A PTS 1 
Jong Holland15 10 2 3 30 16 32 2 
Centro Barber13 10 1 2 30 21 31 3 
Centro Dominguito15 8 3 4 28 17 27 4 
Vesta14 8 2 4 24 19 26 5 
Scherpenheuvel15 5 4 6 14 15 19 6 
Victory Boys14 4 5 5 23 26 17 7 
Inter Willemstad14 4 3 7 21 27 15 8 
Mahuma6 5 0 1 18 6 15 9 
Indekor5 4 0 1 12 6 12 10 
S.U.B.T.15 3 2 10 14 25 11 11 
Hubentut Fortuna14 1 5 8 12 24 8 12 
Sithoc4 3 0 1 12 5 9 13 
S.O.V. Santa Cruz5 2 2 1 6 5 8 14 
Jong Colombia5 2 1 2 4 7 7 15 
New Song5 1 2 2 6 12 5
Partido pa terser i di 4 puesto:
Djadumingu
12 mart 17
17.00
Willemstad 1
vs
Subt 3
FFK
Gran Final:
Djadumingu
12 mart 17
17.00
Hub. Fortuna 1
vs
Subt 2
FFK
FFK ta invitá hinter e pueblo di Kòrsou pa asistí na e partidonan aki. Bin ku hinter bo famia i bin presensiá kiko tur e damanan aki tin aden. Tur e partidonan nan aki ta gratis!
Nos ta wardabo!
