Partida di selekshon di sòftbòl fast pitch femenino AA pa aruba pa partisipashon den e di 13 edishon kampeonato suramerikano di sòftbòl fast pitch femenino.

Djabièrnè mainta 26 di òktober, e selekshon n di sòftbòl fast pitch femenino AA, konsistiendeo di 17 sòfbolista i 4 tékniko, a subi Aruba Arline i biaha pa Aruba pa partisipá den e di 13 edishon di kampeonato suramerikano di sòftbòl fast pitch femenino. E selekshon a biaha bou di supervishon di sr. Lernnerth Angela.

E paisnan ku lo partisipá na e kampeonato aki ta: Aruba, Korsou, Colombia, Brazil, Venezuela, Argentina, Perú i Panamá. Segun konosedonan di e sòftbòl e kompetensia ta basta pareu.

Leonella ‘Nella’ Elisabeth  ta reforsá e staf di picheo. E picheo den e kompromiso na CAC a drai hopi  rondó di Richelle van Gennip. E tin algun lansamentu ferfelu ta tira. E ta basta konsistente tambe. Pero e no ta robòt. Su so no por hasi e trabou. Nella sigur ta un asset p’e selekshon. Aparte di Nella Elisabeth a selekshon ta konta e biaha aki tambe ku Kimberly Agard, Chantal Nepomuceno, Angelique ‘Lika’ Antonio i Jandely Ricardo. E kinteto anteriormente no a forma parti di e  selekshon ku a biaha pa Centro Americana del Caribe. E ohochi Emerenciana tambe a biaha pa Kòrsou for di Merka pa forma parti di e selekshon. E dos gran ousente ta Lishanty Guillermo ku no a haña pèrmit di skol p’e biaha ku selekshon. E biahe lo a nifiká ku e skol lo mester a pèrdè nan number one kècher den e fall season eskolar.

E kuerpo tékniko ta konsistí di Patrik Girigori, Marwin Wijman i Wendley Bernardus  komo Coach i Gustavo de Jong komo mènèdjer. E selekshon konosé e luho di biaha ku un masahista den persona di Neldrick Lourens. Lernnerth Angela ta e hefe di delegashon.

Relato: Anthony Guillermo
Potret: FB CSB