Nos selekshon nashonal vs Bolivia den stadion Ergilio Hato

Preparashon nan ta kontinuá pa loke ta trata e kompromisonan di nos selekshon nashonal ku lo enfrentá e selekshon di Bolivia durante 2 wega amistoso ku lo tuma lugá den Stadion Ergilio Hato pa 8’or di anochi.

Nos stadion nashonal, Stadion Ergilio Hato ta kla pa e partidonan aki por tuma lugá i trabou ta sigui pa e gran enkuentro nan aki.

Despues di a sondiá diferente hungadó ku ta residensiá afó ku ta militá den ekiponan eksterior i tambe nos hungadó nan lokal, áktivo den Liga MCB, nos entrenadó Sr. Remko Bicentini huntu ku su staf a yega na e lista definitivo di e hungadó nan ku lo partispá na e partidonan aki.

E siguiente hungadónan a keda selekshoná pa forma parti di nos selekshon;

1. Eloy Room (PSV)
2. Shanon ‘Cheese’Carmelia (Ijselmeervogels)
3. Elson ‘Sontje’ Hooi (Ado Denhaag)
4. Leandro Bacuna (Reading)
5. Gino van Kessel (Oxford United)
6. Michaël Maria (FC Twente)
7. Rhu-Endly ‘Cuco’ Martina (Everton)
8. Reangelo Janga (AA Gent)
9. Ayrton Statie (Sabal)
10. Gevaro Nepomuceno (Oldham Athletic)
11. Darryl Lachman (Willem II)
12. Jarchino Antonia (Omonia Nicosia)
13. Shermaine Martina (MVV)
14. Shermar Martina (MVV)
15. Charlison Benschop (Hannover 96)
16. Juriën Gaari (Kozakken Boys)
17. Randal Winklaar (Jong Holland)
18. Jimbertson Vapor (Scherpenheuvel)
19. Rowendy Sumter (Scherpenheuvel)
20. Jarzinho Pieter (Centro Dominguito)
21. Brandley Kuwas (Heracles)
22. Suently Alberto (NEC)

Karchinan pa e 2 partidonan aki ya ta optenibel na FFK bou di ora di ofisina, Botika Mampuritu, Beep Beep, 4^th of July snèk na Barber, pòmp di gasolin Santa Maria i serka

Elton John Sophia na 5692121.

E preisnan pa e diferente paketenan pa sekshonnan ta lo siguiente:

• VIP ta kosta Fl.250,- pa ámbos partido i Fl.150,- pa un partido (inkluso konsumo);
• Bou di tribunanan kubrí ta Fl.50,- pa ámbos partido i Fl.30,- pa un partido
• Tribunanan no kubrí ta Fl.30,- pa ámbos partido i Fl.20,- pa un partido
• Mucha te ku 12 aña ku 60+ ta paga Fl. 15,- pa ámbos partido i Fl.10,- pa un partido den sekshon general

Aindo nos tin algun di suèter di kolekshon nobo di nos selekshon nashonal ku ta Nike original na balor di Fl.75,- i nos a sobra e famoso shalnan di nos selekshon na balor di Fl.25,-.

Ámbos optenibel na FFK bou di ora di ofisina.

Pasa buska di bo pa asina bo bin sostené i apoya nos hungadónan.

Reservá djasabra dia 23 i djaluna 26 di mart pa bo ta den stadion Ergilio Hato komo e number 12 sosteniendo nos selekshon nashonal, e kampion nan di e Scotiabank Caribbean Cup 2017.

Nos ta konta ku bo!