Nos selekshon nashonal femenino senior ta na St. Croix pa sigui ku e segundo bloke di e 2022 Concacaf Women’s Qualifiers!

Manera ya nos a avisá, nos selekshon nashonal femenino senior lo tin 2 kompromiso proksimamente en konekshon ku nos partisipashon na e segundo bloke di partidonan di e 2022 CONCACAF Women’s Qualifiers. Nos promé partido lo ta mañan djaráson, 6 di aprel 2022, kontra US Virgin Islands pa 4’or di atardi den Bethlehem Soccer Complex na St. Croix. Despues nos selekshon lo biaha pa Kòrsou, pa djasabra 9 di aprel 2022, enfrentá Costa Rica den Stadion Rignaal ‘Jean’ Francisca pa 7’or di anochi. 
Djadumingu mèrdia, nos selekshon a sali pa Merka kaminda nan a keda un anochi pa despues biaha pa St. Croix pa sigui ku e preparashonnan pa nos partido di mañan kontra US Virgin Islands.
Nos selekshon nashonal femenino senior ta konsistí di un grupo di 20 hungadó. E selekshon ta wòrdu dirigí pa Sr. Demy Rosario i ta konta ku asistensia di Sr. Reynold Mercera ku Heinrich Roojer komo asistentenan tékniko. Sra. Dianne Winklaar ku Sra. Christine Davelaar ta e masahistanan miéntras dòkter Ramfis Fillet tambe ta kompañá e selekshon. Sr. Sherwin Martina ta esun enkargá ku e materialnan di nos selekshon i e hefe di delegashon ta Sr. Remfis Donker, miembro di direktiva di FFK.
Nos selekshon ta konsistí di e siguiente hungadónan;
1. Taïsha Hansen (Vesta)
2. Jully Lake (Vesta)
3. Fresheny Michiel (Vesta)
4. Riesmarly Tokaay (Hubentut Fortuna)
5. Shade Desir (Hubentut Fotuna)
6. Anaïse Piar (Vesta)
7. Kaaisha Constansia (Excellence School)
8. Dianthe Scheepers (Gannon University, Merka)
9. Sterre Noordhoek (Inter Willemstad)
10. Nuhely Emerenciana (Vesta)
11. Shareykisha Justiana (FC Eindhoven, Hulanda)
12. Ignarda Pieternella (Hubentut Fortuna)
13. Julainy Thielman (Wishi Marchena)
14. Thiheyna Susana (Undeba)
15. Aukje Moerdijk (Inter Willemstad)
16. Deyanisha Dorcas (Hubentut Fortuna)
17. Kadisha Martina (Brewton-Parker College, Merka)
18. Rushaviana Petronilia (Jong Holland)
19. Ashanty Alexandre (Vesta)
20. Queen-Jelly Alexandre (Vesta)
Preparashonnan ta kontinuá pa nos selekshon nashonal femenino senior su promé kompromiso durante segundo bloke di partidonan di e 2022 CONCACAF Women’s Qualifiers ku lo tuma lugá mañan kontra US Virgin Islands aya na St. Croix.

Potret: Facebook Federashon Futbol Kórsou

Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x