Kos ta mustra hopi kayente pa Victory Boys

FFK ku “Batata Kayente” pa atende kual ta pone *Victory Boys den situashon delikado: Sali for di bataya pa Kaya 6 i awor bringa pa keda ariba!!

Willemstad – Aparentemente FFK tin un “Batata kayente” pa atende kune. Victory Boys na e momentu aki tin 2 protesta kontra di dje. Unu diparti di e ekipo di Inter Willemstad i tambe unu diparti Hubentud Fortuna. Esaki pa alehando ku e hoben talentoso Jonathan Libiana lo tabata “ilegal” den ambos partido.

E ekipo nan ariba menshona ta aleha ku Libiana lo tabata ilegal den e partido nan kontra nan ekipo pa Victory Boys, pa motibu ku e la risibi karchi kora den kategoria U-20 ku a resulta den 3 wega di suspenshon & Fl. 150 di but, kual segun reglamentu nan e mester kumpli ku e 3 wega nan reglamentario den e kategoria ku e la risibi e suspenshon, kual ta u20, i mientras tantu e no por sali pa hunga den un nivel mas haltu di su club.

Libiana a sinta unikamente 2 partido ofisial di kategoria u20 prome ku e fecha kontra e respektivo team nan ariba menshona kual fecha nan tabata 17/2/2018 V. Boys vs Mahuma & 3/3/2018 V.Boys vs Vesta. Mientras tantu 16/3/2018 Libiana lo mester a sinta su ultimo partido reglamentario den e kategoria u20 kual tabata V. Boys vs Sithoc/Marchena.

Victory Boys lo mester a laga Libiana sinta 2 Wega den 1e divishon, dia 29/1/2018 V. Boys vs Scherpenheuvel & tambe dia 16/2/2018 V. Boys vs Jong Holland, i 1 wega di u20 V. Boys vs Mahuma i asina akumula su 3 wega nan di suspenshon. No ta konosi si V. Boys a kumpli ku e Fl. 150 di but.

Mientras tantu segun e reglamentu nan artikulo 34, nos ta saka nos konklushon ku e ekipo di V. Boys lo perde e protest nan i e 2 partido nan aki, tantu vs Inter Willemstad & Hub. Fortuna ku un resultado di 3-0 kada unu i ta perde 6 punto riba tabla di posishon i ta pone nan den un posishon basta difisil riba te tabla di posishon.

Ta di ban wak ki paso FFK ta bai tuma. Aparentemente bestuur lo mester a sinta den transkurso di e siman aki kual ta kabando i a tuma un desishon unda Inter Willemstad mester a gana e protest pero no a i of kier publika esaki ainda.

Bron: “Inbox”