Kòrsou kampeon divishon Senior League den serie del Caribe

Kòrsou kampeon divishon Senior League den serie del Caribe ora ku e laga Puerto Rico den tereno den bòm di 11 inning!

Liga Pariba ta enfrentá e fuerte selekshon di Puerto Rico den e serie di Caribe divishon Senior League i ta titulá kampion ora ku nan laga Puerto Rico den tereno ku skore di 7-6 den di 11 inning!

Un final ku a konosé hopi emoshon i ku a bin kue un rumbo sorpresivo den bòm di 7 inning ora ku Korsou a bini bek for di un défisit di 4 kareda pa empatá e wega na 5-5-.

Promé ku esei Puerto Rico a bai ariba 2-0 ya den habrida di promé inning. Korsou a logra na nota 1 kareda pa kòrtá bentaha, pero mester a mira kon Puerto Rico a manda 2 mas kas pa amplia hasi wega 4-1. Mas lat Puerto Rico a manda 1 mas pa amplia distansia, hasiendo wega 5-1.

Wega tabata parse di ta riba ijs kaba ku e skore 5-1 na fabor di Puerto Rico ku 1 out. Faltando sinembargo 1 out pa keda eliminá, Liga pariba ta logra nan pone 2 koredó den sirkulashon, pa purba forsa kos, pa bini un tripel ku ta manda 2 kas.

E batido riba su higra a bai tersera ku e left fielder ku e bala den su man, práktikamente riba e liña ku ta marka e final di e área di shòrt stòp. Pa un motibu ineksplikabel e left fielder a tene e bala i no bai tersera mesora. ora ku e la bai tersera, e bala a yega promé kue koredó. E tersera base a blòkia e base i den e akshon di buska e tag, e koredó basta korpulento a dal den e tersera base i e bala a kai. E tersera base a lora abou di doló i banki di ámbos selekshon a bira bashí. A dura un ratu pa re-establese òrdu riba fèlt promé ku Rode Kruis por a atendé. Na final a lapi e tersera base Borinque i but’é bek riba pia, a shake hands i wega a sigui ku e skore di 5-4 ku dos out. I Korsou a logra pull thru pa manda e kareda kas pa empatá e wega i forsa e extra inning.

E extra inning a kana na manera no apto pa kurason suak. Puerto Rico a bai ariba 6-5. Kòrsou ta empatá. Puerto Rico t menasa, pero keda kòrtiku na 4 okashon. Korsou meskos. den bòm di 11 inning, Kòrsou ta buta koredó den sirkulashon i ta sigui e hit di oro ku ta manda kareda number 7 kas, pa Korsou laga Puerto Rico den tereno ku skore di 7-6.

Korsou ta kampeonisa den Serie del Caribe i ta sigui p’e mundial Senior League bou di bandera di William sport!