Kampionato Bigleague/hubenil MCB a start
Buenavista Ballpark:
Despues di hopi aña CSB ta start kampionato hubenil den luna di mart i pa terminá esaki den luna di mei. E akshon aki ta pa desaroyá nos hungadónan ku a kaba den liga Soraida Juliana den un liga di ku ta pertenesé hungadónan di mesun edat. Di e manera aki a eliminá ku hungadónan ta Sali for di Liga Sorida Juliana i bai hunga dirèkt den AA of klasse A ku e konsekuensia ku nan ta falta nèt un parti di nan desaroyo promé ku nan dal e último stap pa hunga den nos liga máksimo. Tur esakinan danki na e koperashon i e trabou konhunto ku CLLS presidí pa sr. Cecil Garcia. E aña aki 6 ekipo lo kompetí den e kampionato Big/hubenil ku ta :
Big league hubenil
| Pos | Club | W | L | Pct | RA | Road |
|---|---|---|---|---|---|---|
| 1 |  Kanga Youngstars | 0 | 0 | 0.000 | 0 | 0-0 |
| 1 |  Pichingolo | 0 | 0 | 0.000 | 0 | 0-0 |
| 1 | Souax 1 | 0 | 0 | 0.000 | 0 | 0-0 |
| 1 | Souax 2 | 0 | 0 | 0.000 | 0 | 0-0 |
| 1 | Sta Rosa Angels 1 | 0 | 0 | 0.000 | 0 | 0-0 |
Djasabra i djadumingu tabatin e promé 2 weganan. Den e wega di djasabra e ekipo fuerte di Starosa/Starosa angels Vanddis a gana e ekipo di Buenavista MCB/Pichingolo ku skor di 15 pa 0 . Pa Starosa picher ganador a resultá Lyuska v/h Kruys i miho na bate Sandeline Reina di 1-1. Pa Buenavista/Pichingolo picher pèrdèdó Trishantely Alexandre i mihó na bate a resultá Anais Piar di 2-2.
Den e wega di djadumingu e ekipo di Buenavista MCB/Pichingolo ta gana e ekipo di Souax Persio Uniformes/Eagles 2 ku skor di 22 pa 4. Pa . Pa Buenavista/Pichingolo picher ganadó tabata Trishantely Alexandre i mihó na bate a resultá Manoriene Semeleer di 4-3. Pa Souax/Eagles 2 picher pèrdèdó a resultá Mahanaim Espinoza i mihó bate a resultá Soraida Leito di 1-1.
Danki spesial ta bai pa umpirenan Raymond Zurka, Alan Koolmayer, Norwin Moesqiet i tambe skorernan Minshenou Torregrossa i Merrien Martis ku tabata e ofisialnan di weganan big/hubenil MCB wikènt tras di lomba. Mester apuntá ku den e kategoria hubenil aki tur ofisialnan lo koperá di un forma boluntario pa e muchanan.
