ÉKSITOSO TORNEO ABC KOMO PREPARASHON PA NOS PARTISIPASHON NA E CFU BOYS UNDER 14 CHALLENGE SERIES 2022!

Komo preparashon pa nos partisipashon na e CFU Boys’ Under 14 Challenge Series 2022, Kòrsou, Aruba i Boneiru a yega na e idea pa organisá algun partido di fogeo entre e 3 islanan ABC aki na Kòrsou. E partidonan aki a tuma lugá di 7 pa 10 di yüli 2022, na Stadion Rignaal ‘Jean’ Francisca.

E torneo aki sigur tabata unu eksitoso ku nos por siña hopi di dje pa sigui prepará pa nos próksimo kompromisonan pa e CFU Boys’ Under 14 Challenge Series 2022. Tur ekipo a duna un bon bataya i a duna tur ku tin pa mustra kiko nan tin aden.

Kòrsou su tim a konsistí di 22 hungadó i un staf tékniko di 7 persona. E hungadónan aki ta parti di nos preselekshon ku ta preparando pa nos kompromisonan na e CFU Boys’ Under 14 Challenge Series 2022 ku lo tuma lugá di 13 pa 21 di ougùstùs próksimo na Repúblika Dominikana.

Danki na tur ku a asistí i presensiá e partidonan aki. Nos ekipo lo siguí prepará pa nos partisipashon na e CFU Boys’ Under 14 Challenge Series 2022!

Keda pendiente pa mas informashon…