E play-off semi final di Vòli a ranka sali ajera den Sala Errol Rooi

E play-off semi final di Vòli a ranka sali ajera den Sala Errol Rooi ku 2 wega den klase A Femenino, Shuatanari ku a klasifika #1 a enfrenta Watakeli ku a keda na di 4 luga i Shuatanari ta gana e partido aki 2-0 i ta pika dilanti den e seri aki ku ta miho di 3 ku parsial (25-11 , 25-21)

Den e di dos wega di ajera Stakamahakchi ku a klasifika # 2 a enfrenta Hurricane ku a klasifika na puesto #3 i tabata Hurricane ku a bai ku e viktoria importante aki 2-1 poniendo Stakamahakchi mes ora lomba kant’i muraja. Parsialnan 25-21,12-25 i 15-13 .

E partido aki tabata sumamente emoshonante. E seri aki ta kontinua dialuna 12 di Maart. awe e seri semifinal di maskulino A ta start ora ku e #1 Watakeli enfrenta e ekipo #4 ku ta Titus i Green Tiger klasifika #2 lo enfrenta Stakamahakchi klasifika na puesto 3. .E enkuentro nan aki lo start 19.45 den sala Errol Rooi.

Potret: sr. Jacinto de Jesus