Connect with us

Futbol

Nos selekshon nashonal kategoria U-20 ta na Tampa di promé pa 21 di novèmber durante e Concacaf U-20 championship!

Despues di dianan di training intensivo i un periodo di preparashon ekstenso, awe djarason 31 di òktober, nos selekshon nashonal kategoria U-20 a biaha pa Tampa pa asina kumpli ku nan kompromisonan den e CONCACAF U-20 Championship 2018 ku lo tuma lugá di promé pa 21 di novèmber próksimo aya na Tampa.

Nos selekshon a biaha ku American Airlines den oranan trempan di mainta pa Miami pa despues sigui pa Tampa miéntras nos hungadónan residensiá na Hulanda a sali di Hulanda pa sigui pa Tampa pa kumpli ku nos kompromisinan di e CONCACAF U-20 championship 2018.

Na tur tin 35 pais ku ta kompetí den e kampionato aki i nos a kai den pul F huntu ku El Salvador, Guatemala, Guyana i Cayman Islands.

Nos selekshon nashonal kategoria U-20 ta konsistí di un grupo di 20 hungadó, di kua mitar ta hungadónan áktivo den nos Kampionato Hubenil i e otro mitar ta nos hungadónan residensiá aya na Hulanda. Nos selekshon ta wòrdu dirigí pa Sr. Ludwig Alberto ku ta e entrenadó di e selekshon aki i Sr. Gersinio Constancia ku ta e asistente di e entrenadó.

Tambe a biaha huntu ku e selekshon Sr. Sherwin Inesia ku ta e masahista di e selekshon, Sr. Roderick Rojer ku ta esun enkargá ku e materialnan, Sr. Marcelo Pisas ku ta entrenadó di e porteronan, Sr. Ramfis Filet ku ta e dòkter di nos selekshon i e hefe di delegashon ta Sr. Shaheen Elhage, miembro di direktiva di FFK.

Nos selekshon ta konsistí di e siguiente hungadónan:

FFK ta deseá nos selekshon di U-20 tur klase di éksito i tin sigur ku nan lo sa di hasi un bon trabou na Tampa durante e CONCACAF U-20 Championship 2018.

 

 

Click to comment

Leave a Reply

avatar
  Subscribe  
Notify of