Connect with us

Beisbol

Sta. Maria Pirates ta nòk out Wild Cats den séptimo inning di wega number 5 den e serie Play off final beisbòl AA, 12-1

E ofensiva di Sta. Maria a liga un tripel limpia base den bòm di kinto inning pa totalisa un rally di 4 kareda ku a hasi e wega 8-0 i span e wega entre e Piratanan i Wild Cats for di otro. Wild Cats no a realmente logra rekuperá mas. den sexto i séptimo inning Sta. Maria a añadí 4 mas pa totalisa 12 kareda. Wild Cats a logra na manda number di kas home pa nota 1 kareda. E tabata muchu lat i muchu tiki. den bòm di séptimo inning ku e wega ku e diferensia di mas ku 10 kareda e chif a konstatá e nòk out0 i game e wega. dunando Sta. Maria e wega number 5 den e seri play off final gana ku skore di 21-1.

Sta. Maria a habri skore bort for di promé inning ora ku nan a nota unu pa bai ariba 1-0. Den habrida di segundo inning e Piratanan a añadí  unu mas pa hasi wega 2-0 i sumando 2 mas den habrida di 3 pa hasi e 4-0. Un skore 4-0 kontra di wild Cats no ta garantia di nada. Kosnan a bai for di man den habrida di kinto inning ora ku un tripel bari base a inisia un rally di 4 kareda pa hasi e wega 8-0. E piratanan a baha e picher habridó di Wild Cats na awa i e bin relevo ku den sexto inning a buta dos koredó den sirkulashon, tuma un tripel sigui pa un homerun pa kaba di duna Sta. Maria e bentaha di 12-0. Rifaela ku a habri pa Sta. Maria a drenta kabes di séptimo inning lansando un one hitter. e la tuma 2 hit i Wild Cats a fábrika su kareda di kas pa hasi wega 12-1. Wild Cats no a logra na  lanta kabes mas.

Un palu di awa a menasa di para e wega den sexto inning. Den korto tempu hopi áwaseru mes a kai. Bon trabou di prinsipalmente e hungadónan di sta,. Maria i e personal di tio Dao, a buta ku por a tapa e fèlt rápidamente ku lona. Miéntras e pushinan brabu tabata opservá for di nan dugout, e ekipo di Sta. Maria i sobra di e crew di Tio Dao a buta man an obra pa drecha e tereno. Nan a logra den e orario ku chif umpire a duna pa hasi esaki i wega por a kontinuá ku e resultado di e  nòk out an fabor di Sta. Maria Pirates.

E viktoria ta buta wild Cats lomba kantu muraya. E serie ta un mihó di 7. Sta. Maria ta pika dilanti den e serie ku 3 gana kontra di 2 gana di parti di wild Cats. Wild Cats tin obligashon di gana den e siguiente wega p’e keda bibu den e seri. E siguiente wega ta den wikènt benidero.

Relato: Anthony Guillermo
Potret: Jacinto de Jesus

Click to comment

Leave a Reply

avatar
  Subscribe  
Notify of