Connect with us

Softbal

Sta. Rosa Angels ta rally grandi den kuminsamentu di 7 entrada

Sta. Rosa Angels ta rally grandi den kuminsamentu di 7 entrada, mandando 6 kareda kas, pa span e wega ku n’e momentu ei tabata empatá na 7 for di otro. Pichingolo ta keda kòrtiku den nan intento pa pone kos pasa den bòm di 7. E muchanan di Wendley Bernardus ku Gustavo de Jongh ta logra nan nota un kareda pa hasi wega 13-8. E no ta sufisiente pa forsa nada mas. Ku e skore 13-8, Sta. Rosa ta gana e wega.

Un bon públiko tabata presente na Buena Vista ball park pa mira e wega entre e dos rivalnan. E wega bálido pa AA, por a bai ámbos banda. Tantu Sta. Rosa komo Pichingolo a buta preshon pa kosnan sosodé na nan fabor den e wega. Sta. Rosa a habri ku Keesje Van Het Kruys riba piching plate. Pichingolo a asigná Craanberg pa hasié trabou riba picher plate.

Sta. Rosa a sali ku e wega chikí. Esaki ta birando mas i mas e trade mark di e muchanan di pariba. Ku e wega chikí ya den habrida di promé inning, sta. Rosa ta fábrika 3 kareda pa bai ariba 3-0. Pichingolo sinembargo ta reakshoná fuerte bek den e mesun bòm di promé inning, mandando 4 kas pa buta kos na nan fabor hasiendo e wega 4-3. Un home run di Julise Koffy a yuda en grande. E ofensiva di Pichingolo ta duna nan picher un tiki mas espasio pa traha ora ku den bòm di dos inning nan añadí 1 kareda mas pa hasi wega 5-3.

Janiska Franklin ta drenta wega na lugá di v/h Kruys i ta haña enkargo pa wanta wega. E hóben ta logra Sali for di un djèm pisa ku mínimo di daño. Sta. Rosa ta nota 1 den habrida di 3 inning pa kòrtá bentaha. Ku e wega 5-4 na fabor di Pichingolo, Sta. Rosa ta forsa bara den habrida di kinto inning, notando dos pa kue bentaha pa di dos biaha den e wega. Ku e skore 6-5 na fabor di Sta. Rosa, Pichingolo ta nota 1 den bòm di kinto inning pa hasi pareu, 6-6. Neiska ta tambaleá i coach coach Djuni Balentin a trese Leonella Elizabeth pa forsa kos.

Ku time limit primiendo, Sta. Rosa ta fleta un kareda den habrida di sexto inning pa hasi wega 7-6. Nella ta picha fuerte i skerpi pa saka logra e dos out. Ku koredó na segunda base, Nela ta poncha e
Chantal Nepomuceno. E bala ta bai laga e kècher Lishanty Guillermo i den su husel pa piki e bala banda di fence i tira pa primera, e bala ta bai resultá den right field. E kareda ta skore for di segunda i e wega ta empatá 7-7.

Ku e wega empatá den bòm di 6 inning, Nella ta pèrta brasa i Sali for di e inning pa via di ponche. Ku e time limit ya vensí, chif umpire ta ordená e 7 inning bira èkstra inning ku e tie break rule. Pichingolo ta manda Arnalda Margarita pa wanta e wega riba 7, buskando manera pa sera e inning i posiblemente laga Sta. Rosa den tereno. Kosnan ta kana otro, ora ku Sta. Rosa rally grandi i manda 6 kas pa hasi wega 13-7. Ku e wega ya riba eis, Pichingolo ta fleta u kareda den bòm di 7 pa totalisa 8. Ku e skore 13-8, e di tres out ta kai i Sta. Rosa ta bai ku e viktoria.

Relato i Potret: Anthony Guillermo

Click to comment

Leave a Reply

avatar
  Subscribe  
Notify of