Connect with us

Futbol

Nosso Legado Kampion di Fair Play Cup 2017

Willemstad – Djawebs anochi 29 December 2017 a tuma luga e tremendo torneo anual di Fair Play Cup 2017 organisá pa e ekipo di C.V.V. Inter Willemstad na tereno di Willemstad na Kintjan.

Fair Play Cup
Ta trata aki di e torneo ku ta tuma lugá tur aña di nobo pa e sera aña ku partisipashon di e ekipo di kas di promé divishon kual ta Inter Willemstad, e ekipo forma pa varios ex Inter Willemstad konhuntamente ku varios yu di Kòrsòu ku ta hunga na Hulanda, Nosso Legado kual ta e ekipo forma pa diferente pelotero profeshonal reforsá ku algun amigu futbolista, kual tabata e aktual kampion nan pa último 2 aña nan i tambe e aña aki a konta ku partisipashon di Trackfield United kual ta ekipo di atleta nan di atletitismo reforsá ku varios futbolista lokal. E torneo ta konta semper ku un bon asistensia públiko ku sigur ta disfruta i probecha di saka potrèt ku e deportista nan.

Inter Willemstad
E ekipo di Inter Willemstad ta aktualmente na di 5 luga den e kampionato aktual di promé divishon. Ayera e ekipo a konta ku partisipashon di su miembro nan aktual, enkabesá pa Stallone Isenia, Marlon Andrea, Rayson Koeiman, Rudrick Pop, Vailyson Lake, Maximiliano Krijger i tambe William Plaate. Por a tuma nota si ku tabata falta algun hungador klave di e ekipo ku no tabata presente ayera I òf a reforsá otro ekipo. Ta di remarka ku Inter Willemstad no a duna su mihó futbol.

Ex Inter Willemstad
E ekipo di Ex Inter Willemstad ta formá pa diferente futbolista ku a militá den ekipo di Inter Willemstad den pasado konhuntamente ku varios futbolista lokal militando den futbol den exterior. Ekipo a konta ku diferente Ex Inter Willemstad manera entre otro e portero Mike van de Sande, Demi Rosario, Geryon Alberto, Ramiro Griffith, Kevin van Velzen konhuntamente ku futbolista nan lokal den exterior manera Shuremy Filomena, Yannick Bekman, Isai Marselia, Quinton Christina i diferente otro futbolista nan lokal i internashonal. Apesar di no a train nunka huntu, por a mira basta bon futbòl di nan banda.

Nosso Legado
E ekipo di Nosso Legado ta forma pa diferente pelotero profeshonal reforsá ku algun amigu futbolista. E ekipo bou di guia di nan amigu director teknikó Glenmer Jansen, ta enkabesá pa pelotero nan Jurickson Profar, Jonathan Schoop, Andrelton Simmons, Kevin i Kirvin Moesquit i diferente pelotero nan lokal i internashonal, reforsa ku algun amigu futbolista manera e portero Pedro de Sousa, rumannan Koeiman, Joel Victoria i Ruensly Leuteria. E aña aki e ekipo no por a konta ku nan amigu nan futbolista Mirco Colina Jr. debí na leshon, ni tampoko Ashar Bernardus. Nosso Legado partisipando pa di 3 aña konsekutivo i ta titulá kampion pa di 3 biaha I e aña aki invikto. E públiko presente por a disfruta di un bon futbol di parti di Nosso Legado, unda tabatin basta hugada i toke nan bunita, kual algun a terminá na gol i otro nan lastimamente no a terminá na gol.

FC Trackfiel United
E ekipo di Trackfield United ta formá pa atleta nan di atletitismo reforsá ku varios futbolista lokal E ekipo ta enkabesá pa rumannan Terrence i Javier Agard i Churandy Martina i reforsá ku algun amigu futbolista manera entre otro, Ryadh Monte, Gamal Douglas, Pierre Bijl, Munier Asiedu, Rowendley Poppen, Dexter Cicilia, Samuel Matheus i Norman Hoyer. E ekipo no por a konta ku e atleta nan di atletismo debí na otro kompromiso. Apesar di por a konta ku basta futbolista lokal den e divishon máximo, e ekipo no tabata finalisá hugada nan na gol i a kosta nan.

Resultado di Fair Play Cup 2017
Inter Willemstad 0-0 Ex Inter Willemstad (P)

Nosso Legado 2-0 Trackfield United
⚽ A. Simmons
⚽ J. Schoop

Nosso Legado 1-0 Ex Inter Willemstad
⚽ R. Leuteria

Ex Inter Willemstad 1-0 Trackfield United
⚽ K. van Velzen

Trackfield United 0-0 Inter Willemstad (P)

Nosso Legado 2-0 Inter Willemstad
⚽ D. Koeiman
⚽ K. Moesquit

“All by all” e ekipo di C.V.V. Inter Willemstad por mira bèk riba un tremendo Fair Play Cup 2017!


Nosso Legado 2017

Click to comment
Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x