Connect with us

Futbol

The Flow Ultimate Football Experience

Djasabra, 18 di mart último a tuma lugá na tereno di FFK e The Flow Ultimate Football Experience’. Flow i Manchester United Football Club a uni pa brinda na 15 pais di Karibe un tremendo oportunidat. Konhuntamente ku FFK a selekshoná 40 hungadó, di 13 pa 16 aña, áktivo di nos kampionato hubenil pa partisipá na e kompetenisa The Flow Ultimate Football Experience’.

E hungadó nan e keda evaluá abase di e sigueinte 3 abilidatnan;

  1. Abilidat di kòntròl di bala
  2. Abilidat di pase nan kòrtiku
  3. Abilidat pa ‘dribbel’ ku bala

Tur hungadó a keda repartí den diferente grupo i a keda evaluá dor di algun entrenadó lokal. Na final di dia e 2 hungadónan ku e puntuashon di mas haltu a resultá e 2 ganadó nan ku lo representá Kòrsou na Trinidat & Tobago. Aya na Trinidat nan lo tin un seshon individual ku entrenadónan di CFU i Manchester United. Tambe nan lo kompetí ku e ganadó nan di e otro 14 paisnan partisipante p’asina saka un ganadó. E ganadó lo sigui pa London pa representá nos region durante e kompetensia aki.

E 2 ganadónan a resultá di ta Emian-Johar Semedo di e ekipo di Willemstad i Sharrion Pietersz di e ekipo di Excellence School. Emian i Sharrion lo biaha dia 6 di mei próksimo akompañá pa un mayor i nan entrenadó pa Trinidat & Tobago.

Banda di e 2 ganadó nan aki FFK a premia e hungadónan ku a anotá mas gol durante e kompetensia aki.

Esaki nan ta lo siguiente;

  1. Adriel Evertsz
  2. Leroy Dickens
  3. Ruhairon Sambo
  4. Reuel-Jaden Stewart
  5. Richainro Adamus

Lindsey Hart i Sofia Colina tambe a keda premiá komo e 2 mucha muhé nan ku e puntuashon di mas haltu.

FFK ta felisitá tur hungado pa nan tremendo trabou durante e kompetensia aki i ta deseá e 2 ganadónan, Emian-Johar Semedo i Sharrion Pietersz tur klase di éksito aya na Trinidat & Tobago.

Relato: FFK

Click to comment
Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x