Connect with us

Futsal

Ivany Calvenhoven ta skore 2 pa The Warrior

Sigur un 100 di piku fanátiko a mira kon The Warriors a faha ku e ekipo FC RO (ex NOJO) pa buta nan na rudia i bai ku e viktoria. E partido ku a tuma lugá djasabra den sala multi funshonal Niels Liberia na Suffisant, tabata bálido pa divishon klase A di Futsal. E héroe di e partido tabata Ivany Calvenhoven. E la sa di bira peligroso na diferente okashon i a karga Warriors riba su lomba, notando dos gol riba FC RO (ex NOJO). FC RO no a sa di nota i a bin kai ku e skore di 2-0.

E hóben Ivany Calvenhoven no ta deskonosí den e futbòl. E tin un talento i abilidat enorme p’e deporte futbòl. Den pasado e la militá pa Jong Colombia. Aktualmente e ta miembro di Centro Dominguito, kaminda e ta hasi estrago riba fèlt. Den Futsal e ta konosí komo un hungadó ku ta hunga ku dedikashon i pashon. E hóben Ivany ta poseé un instinto natural pa gol. Ta hopi defensa i portero a mira kon e la sa di probechá di lo mínimo na espasio ku a dun’é pa a bira peligroso i bòl e nèt.

FC RO a duna fuerte bataya. E ekipo a sa di ataka huntu, buskando manera pa penetrá via di e banda, pero sin ku nan por a logra kristalisá e atake. Un defensa hermetikamente sera di The Warriors a stroba FC RO den e avanse i neutralisá e atake promé ku esaki por a bira peligroso dilanti di nan arko. Aki aya a logra tòg na saka algun tiru bon i duru, pero e portero di Warriors, ku tabata bon posishoná a sa di neutralisá esaki nan, sin ku nan penetrá i hasi daño. Ku skore di 2-0, The Warriors ta skirbi e partido riba nan nòmber

Click to comment
Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x