Connect with us

Softbal

Sera konosí ku Lishanty “Pollo” Guillermo

Sera konosí ku Lishanty “Pollo” Guillermo, kècher di St,. Rosa Angels i studiante atleta na Trinity Christian Academy na Merka.

Lishanty Guillermo tin 18 aña, ta den 12th grade na Trinity Christian Academy na Lake Worth Florida i ta hungadó aktivo di St. Rosa Angels AA i Hubenil. E ta kècher, tersera base, outfielder i si mester e ta picha tambe. E ta filia i bati na man drechi.  E la bai Berg Carmel College i ta eks alumno di St. Ignatius VSBO i Lauffeur VSBO. Pollo su dosente preferí ta mrs. Whittington di TCA. “Ora mi a yega Merka e la yudami masha tantu mes ku mi gramátika. Semper e tabata haña un manera leuk pa siñami i lagami komprondé”.

“Pollo” a kuminsá hunga den Liga Soraida Juliana softball Fast Pitch na nivel di minor. “Ku 9 aña mi a haña un wante i bate di Sanikolas. E muchanan den mi klas tabata hunga softball serka coach Georgette, coach Svenska i coach Mily den Brievengat Refineria Isla. Mi a bai wak nan hunga i nan a bisa coach ku mi tin gana di hunga i ku mi ta bon. Mi a hunga un aña minor i un aña Little ku Refineria isla. Den dos aña nos a gana 2 wega so. Ta serka coach Georgette, Svenska ku Mily mi a siña pèrdè. E lès di mas importante di mi bida”.

“Pollo” militá den tur selekshon for di Little te ku Senior. E ta dos biaha sup kampeon Latino Merikano.  “Mi a kaba di hasi 14 aña ora ku coach Phill a bisa mi tata ku mama ku un High School na Merka ke mi bin hunga pa nan”. Pollo no a duda. “Bida na Merka komo studiante atleta ta duru, pero tòg hopi dushi. Mi ta biba huntu ku mi ruman serka un señora Merikano. Bo no ta na kas i bo mester adaptá bo mes na nan regla i kustumber. Bo mester ta fuerte mentalmente. Nos dia ta tòf. E ta kuminsá 07.00 i ta kaba 23.00 òf mas lat anochi. Den travel team bo ta hunga 7 wega pa wikènt. Kore den outo pa dos tres ora, drumi den hotèl, hunga wega i meimei hasi hùiswèrk pa prufwèrk pa djaluna”. Softball  is serious business. Mi ta kiper tambe di e tim di soccer. Ei mi tin e record di mas wega sin gol di skol”

“Pollo” ta kècher i kapitan di e tim softball Fast Pitch eskolar TCA Warriors. E la titulá kampion di distrito kampeonato eskolar  na 2014. E aña ei TCA Warriros tabata number 5 riba ranking di tur High School na Florida. Lishanty ta gusta traha ku Tedy Faneyt, Zusje Llewelyn i e ohochi Emerenciana. “TCA Warriors ku American Herritage ta eterno rival. Nan ta e kontrinkante mas tòf den Lake Worth. Nos ta e poko tim ku ta kita wega fo’i nan. Na Kòrsou Pichingolo semper ta un wesu duru pa nos. Arnalda ta dunami hopi doló di kabes na bate. E ta spòt su bala bon”.

Mi meta ta pa mi kaba mi High School otro aña ku e highest GPA possible. Gana mi skolar ship i studia spòrt management òf spòrt business. Despues mi ke traha aki na Merka den guia di e cura girlsnan nobo ku ta bin.

 

Click to comment
Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x