Connect with us

Softbal

Federashon di Sòftbòl di Kòrsou ta orguyoso pa e lantamentu di e tim SQUAT

Federashon di sòftbòl di Kòrsou ta hopi kontentu i orguyoso ku poko poko pero
sigur nos ta hañando personanan ku ta dispuesto pa yuda nos hubentut. E eks
estrea di nos sòftbòl Isonette Polonius tabata kana ku un idea pa basta tempu
pa lanta un grupo di hungadónan di ántes pa yuda ekiponan i tambe muchanan
ku training di sòftbòl partikular pa enfoká riba e parti téknika pa halsa e nivel di
nos sòftbòl lokal. Na momentu ku Isonette a komparti e idea aki ku nos di
direktiva, nos a brasa e proyekto aki ku brasa habri pasobra e ta pas presis
den nos maneho pa bai base bek i purba di krea un fundeshi stabil. Despues di
par di luna den preparashon i alokamentu di fondo pa material nos a logra e
promé stap grandi di lantamentu di e tim ku ta bai “travel”na tur vèlt ku tin

mucha ta praktiká sòftbòl i asina duna un man boluntariamente. Danki na e

patrosinio di MCB den 2016 ku nos por a aloká fondo pa material spesialmente

pa e proyekto aki. Te na e momentunan aki e tim ta konsistí di Isonette

Polonius (Kordinado), Svenska Bazur, Solange van Gurp, Natalie Lourens,

Emely Jonis, Chaunice Maduro, Diane Hersisia, Leonise Avastia, Mesinnia

Pulgar i tambi Shahairi Ustasia. Ya kaba e SQUAD aki a kuminsá move na

diferente tereno i asina nan lo sigui sigur pa e anja aki.

Direktiva di CSB kier deseanan forsa, sabiduria i pasenshi ku tur e ekiponan i e

muchanan ku nan lo bai yuda pa halsa nivel di nos sòftbòl. E tim aki lo mester

bira un ehèmpel i un estímulo pa eks peloteronan òf eks sòfbolistanan haña

kaminda pa tereno pa asina duna un man na e muchanan ku ta lantando den e

mundu di sòftbòl. Danki di antemano na bosnan tur di e SQUAT tim i konta

semper ku CSB su sosten All out, All the time manera bosnan slogan mes ta

bisa…

Click to comment
Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x