Connect with us

Futbol

Eksitoso kurso di rekapasitashon di KNVB pa entrenadó hubenil

Resientemente, komo parti di e programa edukativo di FFK den kooperashon ku KNVB, a tuma lugá un kurso di rekapasitashon pa entrenadónan hubenil di kategoria U-11, U-13 i U-15. Nico Labohm, instruktornan di KNVB tabata esun ku tabata enkargá pa duna e kurso aki.

E kurso a kuminsá djaweps 12 di yanuari i a terminá djadumingu 15 di yüli, pues e ta tin un durashon di 4 dia.

E tópikonan ku a keda trata durante e kurso aki tabata prinsipionan di futbòl moderno ku ta importante den desaroyo di hóben nan di kategoria nan aki. Tambe a trata desaroyonan tékniko di e hungadónan ku nan profilnan i e slekshonamentu di e hungadónan.

E kurso a ser repartí den 2 parti. E promé parti tabata esun práktiko i despues a tuma lugá e segundo parti kual tabata esun teorétiko. Djadumingu riba e delaster dia di e kurso aki tatin un festival di futbòl. Durante e festival aki e kusistanan a pone den práktika tur loke ku nan a haña durante e kurso.

E kurso aki tabata supsidiá pa FFK i KNVB i a konta ku partisipashon di 45 persona ku a kab’é ku éksito i a haña nan sertifikado di KNVB. Awó nos por bisa ku e famia di futbòl ta konta ku 45 entrenadó hubenil ku konosementunan nobo den e ámbito di futbòl ku lo keda ehekutá riba tereno.

FFK ta hasi un apelashon na e kursistanan ku no ta pertenesé na un klup ainda, pa djòin un klup di FFK pa yuda desaroyá i engrandesé e deporte di futbòl!

FFK ta deseá tur e kursistanan aki éksito i pabien ku nan logro!

Banda di e eksitoso kurso aki, djamars 17 di yanuari último, e mesun instruktor di KNVB Sr. Nico Labohm a duna un presentashon na tur entrenadó i representantenan hubenil.                       E presentashon aki tabata kontené un analisis di KNVB riba e kampionato hubenil, desaroyo di talentonan, edukashon di futbolistanan hubenil i tambe un konsepto pa Kòrsou ta un akademia nashonal di futbòl den futuro. Nan a splika nan plan pa ku e akademia nashonal aki den detayes i tambe e metodonan ku nan lo usa pa reklutá hungadónan ku ta resaltá. Pues e dirigentenan hubenil ta tin un anochi hopi interesante kaminda nan por a debatí i interkambiá riba e diferente tópikonan ku a keda tresé dilanti riba e anochi aki.

**************LIKE COMMENT SHARE **************
#wdb #wegadibala #wdbsport

Click to comment
Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x