Ban terminá temporada 2017 den un forma festivo
Mediante di e komunikado aki direktiva di FEBEKO kier a invitá tur fanátiko di beisbòl AA na partido number 6 i si tin mester 7 di e playoff final entre Wild Cats KJ74/Guardian Group i Sta. Maria Pirates Chippie.
Esakinan lo tuma lugá dia 23 di novèmber na Tio Daou Ballpark pa 8or di anochi i si ta nesesario dia 25 di novèmber na Stadion Johnny Vrutaal pa 8or di anochi. Despues di reunion general, direktiva di FEBEKO i ekiponan ta garantisá ku e weganan lo sigui. I e kampionato lo terminá riba tereno.
Pa gradisí tur fanátikonan ku a sostené beisbòl e aña aki lo bai tin presentashon di Grupo Ruta, Los Paranderos i tambe show di vürwèrk despues di partido dia 23 di novèmber.
Pa yama danki lo rebaha e preisnan na rason di 3 florin pa hende grandi i 1 florin pa mucha/60+.
E prome 200 adultonan lo risibi entrada gratis obsekio di Curaçao Baseball Development Foundation (CBDF)
Pa mitar di ocho lo tin sake di bala pa diferente di nos hungadónan profeshonal. Bin mira nos:
Kenley Jansen, Jonathan i Sharlon Schoop, Ozzie Albies, Jurickson Profar i Yurendell de Caster
Ban terminá temporada 2017 den un forma festivo asistiendo na e dos ultimo partidonan.
