𝐎𝐫𝐠𝐚𝐧𝐢𝐬𝐚𝐬𝐡𝐨𝐧 𝐝𝐢 𝐑𝐨𝐲𝐚𝐥 𝐒𝐜𝐨𝐫𝐩𝐢𝐨𝐧𝐬 𝐭𝐚 𝐬𝐮𝐦𝐚𝐦𝐞𝐧𝐭𝐞 𝐞𝐧𝐭𝐮𝐬𝐢𝐚𝐬𝐦𝐚 𝐩𝐚 𝐚𝐧𝐮𝐧𝐬𝐢𝐚 𝐤𝐮 𝐧𝐚𝐧 𝐭𝐢𝐧 𝐮𝐧 𝐤𝐚𝐛𝐞𝐬𝐚𝐧𝐭𝐞 𝐧𝐨𝐛𝐨 𝐝𝐞𝐧 𝐩𝐞𝐫𝐬𝐨𝐧𝐚 𝐝𝐢 𝐬𝐫. 𝐍𝐚𝐡𝐢𝐦 𝐀𝐭𝐭𝐚𝐟.

Sr. Attaf sigur no ta un deskonosi den mundu di beisbol. Yu di konosido agente i ex scout di Atlanta Braves sr. Giovanni Visceiza q.e.p.d sr. Attaf a profila for di edat jong den ekipo di St Maria i despues a lusi engrande aya na Atlanta durante su karera eskolar, komo un di e top Catcher nan den High School i Junior College den e estado di Georgia. Despues di a regresa Korsou ela forma parti di ekipo nan di AA manera st Maria Pirates, Wildcats i Marchena Braves komo pitcher, catcher i DH.
Ku sr. Attaf na kabes nos tin sigur ku nos organisashon lo bai florese bek i ta un ehempel komo organisashon pa tur sobra.
Huntu ku sr. Nahim Attaf nos direktiva nobo ta karga ku sanger nobo, yong i inovativo pero ku eksperensia.
Nos direktiva nobo lo konsisiti di:
– Presidente – Nahim Attaf
– Vice Presidente – Quincy Lucas
– Secretaria – Surella Henrietta
– Tesorero – Michelle Nahar
– Miembro – Zuleima Kenepa
– Miembro – Juliomar Valies
– Miembro – Quincey Vanblarcum
Den palabranan di nos presidente sr. Nahim Attaf:
“Tin mi mes organisahson i pa por aporta na nos beisbol i na e nivel di mas haltu semper tabata algu kumi a anhela. Manera e oportunidad aki a presenta i mirando e tremendo historia ku organisashon di Royal Scorpions ta bin kune, no tabata tin niun duda den mi mente ku esaki lo ta e “perfect fit”. Ku e team ku nos tin aki pa dirigi e organisashon mino tin niun duda ku nos lo logra tur meta ku nos a pone nos dilanti.
𝐓𝐞𝐧𝐞 𝐧𝐚 𝐤𝐮𝐞𝐧𝐭𝐚 𝐤𝐮 𝐒𝐂𝐎𝐑𝐏𝐈𝐎𝐍𝐒 𝐓𝐄𝐈 𝐃𝐈 𝐓𝐄𝐈”
Nos ke invita tur fanatiko i miembro di Royal Scorpions pa sigui nos paginanan social i keda pendiente pa mas informashon, anunsio i varios tremendo aktividat ku tin den tapara pa tur fanatiko i miembro.